ein raud stol

Lesebol

2011-05-20T16:48:00.000+02:00

Det er eksamenstid. Mi aller, aller siste, håpar eg..
Eg har bevega meg inn i eit vakum og tenkjer berre på kor deilig sommaren skal verte!
Lenge leve lyse kveldar og bekymringsfrie dagar. Velkomen tilbake, kjære kvardag. Om 3 veker...

Dette skal verte ei blomstereng

2011-05-20T16:36:00.000+02:00

I følge beskrivelsen på frøpakken, skal dette verte ei eng med sommarblomar. Eg ventar i spenning:)

Mmmmm...

2011-05-04T13:06:00.005+02:00

Eg har lenge leita etter den perfekte oppskrifta på brownie. Du veit, den som gjer kaka seig og har eit hint av karamell? Eg har funne den!

For litt sidan kjøpte eg ei ny kokebok - The Hummingbird Bakery - Kokeboken, og brownieoppskrifta her er fantastisk! Eg vil ikkje legge ut oppskrifta her, men anbefalar alle å kjøpe boka i staden.

Eg kan også anbefale havre- og rosinkjeksa og ei kake samansatt av brownie, ostekake og bringebærkrem...

Det blå (eller grønne) stettfatet på det øvste bilete er forresten heimlaga. Du kan lese om verkstaden som eg og systera mi hadde ein sommar ei tid tilbake.

I love cake and I love my new "Hummingbird Bakery Cookbook"!

Gåver til ein liten, utvida familie

2011-05-02T20:45:00.005+02:00

Eit lite strikka sett. Oppskrift frå "Myk start". Eg kom forresten over bloggen til forfattaren her om dagen. Etter litt "research" og tilbakemeldingar på bloggen har eg funne ut at ho og har gitt ut ei sybok! Den skal absolutt inn i samlinga mi når eksamen og anna obligatorisk er ute av verda:)
Besøk "Myk start" her:

Heimelaga knekkebrød til mor og far.
Den flotte gåveposen har eg bestilt frå "Bake it Pretty". Kjapp levering og hyggelig, personlig helsing frå innehavar. Set i gang og snop:)
Besøk "Bake it Pretty" her:

Presents for a little family. You´ll find the knitting recipe in "Myk Start". The beautiful paper gift bag can be ordered at "Bake it Pretty".

God fradags morgon! - med eller utan bryllaup..

2011-04-29T09:37:00.001+02:00

... men med scones, smoothie og kaffi. Og forhåpentligvis litt oppgåveskriving.

Have a nice friday!

Suksess med Suksess - kaketips!

2011-04-18T13:06:00.002+02:00

Eg høyrte på Nitimen her om dagen. Kokke-Lise var då på besøk for å snakke om påske og den perfekte påskekaka. "Gulekaka", eller Suksessterte. Eg har ikkje prøvd meg på den før, men freistinga vart for stor. Og det var faktisk ganske enkelt, då Kokke-Lise delte litt eksperttips (på radioen) for å få den bra. Oppskrifta finn du her:

Ekstra tips som ikkje står i oppskrifta:
- Bruk ei tresleiv til å røre kremen med under oppvarming. Og rør - heile tida - godt!
- Visp smøret luftig før du blandar det inn i den kule kremen.

Mmmm... heile kaka forsvann i løpet av eit døgn...

Men til mitt forsvar så brukte eg berre 2/3 av oppskrifta. Altså, kaka var ikkje så stor.

Lykke til og god påsketid!

Tilbake til hekling

2011-04-18T12:53:00.000+02:00

Etter mykje strikking har eg tatt fram heklenåla igjen. Det er kjekkare enn strikking har eg funne ut. Rett og slett. Sidan eg har alt for mykje garn liggande har eg lenge tenkt at eg skulle bruke det opp på eit hekleteppe. Så, då er eg i gang.

Resultatet kjem etterkvart. Fyrst må eg feste alle trådane.

Vår på Løkka!

2011-04-18T12:29:00.002+02:00

Det vert nesten ein klisjé når eg seier det, men det ER SÅ DEILIG MED VÅR!

Butikkane dreg varene ut på fortauet og ein kan berre gå og snope med augene i vårsola. Deilig!

Kva er viktig i livet?

2011-04-06T12:23:00.000+02:00

Om pengar

For pengar kan ein få alt, heiter det.
- Nei, ein kan ikkje det.
Ein kan kjøpa seg mat, men ikkje mathug,
dropar, men ikkje helse,
mjuke senger, men ikkje svevn,
lærdom, men ikkje vit,
stas, men ikkje venleik,
glans, men ikkje hygge,
moro, men ikkje glede,
kameratar, men ikkje venskap,
tenarar, men ikkje truskap,

gråe hår, men ikkje ære,
rolege dagar, men ikkje fred.
Skalet av alle ting kan ein få for pengar.
Men ikkje kjernen;
den er ikkje for pengar fal.
Arne Garborg

Små gåver 2

2011-02-23T11:46:00.001+01:00

Ugler er visst det store for tida.
Hels på Ugle. Eg trur eg skal masseprodusere ho, for eg likte ho veldig godt. Og prototypen har eg gitt vekk, så eg må uansett lage ei til meg sjølv.

Små gåver 1

2011-02-23T11:37:00.002+01:00

Eg har veldig mykje hushaldningshyssing liggande. Det er perfekt å bruke til desse, då hyssinga er litt stivare enn vanleg bomullstråd. Små brikkar. Er usikker på kva ein kallar desse, så eg vil kalle dei kaffibrikkar!

Musikk eg gjerne høyrer på

2011-02-15T21:03:00.002+01:00

Draumen

2011-02-10T14:01:00.004+01:00

Ein kan rett og slett ikkje bli for skuffa når det kjem ny snø i februar. I alle fall ikkje i Norge.

Ein kan heller bruka tida på å drøyme...

...... om sommar (og vakre Sverige).

Rein nyting, midt i veka!

2011-02-01T20:02:00.003+01:00

Kvifor spare den flotte maten til eit spesielt høve, når det kan vere like enkelt, billig og kjapt å lage den på ein kvardag? Nyt i veg!

Frisesalat med raudlauk, grilla kalkun (fint med kalkunrestar i frysaren!), krutongar og chèvre. Det heile er toppa med eit dryss sesamfrø, god olivenolje og himmelsk balsamico frå Oliviers.

Oppskrifta har eg lånt av svoger/svigerinne.

Kan eg forsyne meg snart?

Enda meir himmelsk - heimelaga sjokoladesaus!

75 gr sjokolade (50-70%)

25 gr ekte smør

1 ss honning

Varm i vannbad.

Server den varm på vaniljeisen.

God morgon!

2011-02-01T09:29:00.004+01:00

Mmmmm.. dette drøymer eg om no.

Amerikanske pannekaker.

Her er ei oppskrift frå Tine som fungerar - som vist på bilete;)

3 dl kveitemjøl

2 egg

2 1/2 dl mjølk

50 gr ekte smør

1 ss sukker

2 ts bakepulver

0,4 ts salt

Smelt smør, bland i mjølka og vispa egg. Bland alt det tørre og visp i smør/mjølk/egg-blandinga.

Steik på middels varme. Server med maplesirup!

Dancing

2011-01-31T11:50:00.008+01:00

Regn er heilt greitt, så lenge det er varmt og ein kan danse rundt i raud kjole.

2 vintermånadar er ferdige, berre 1 att.

www.1x.com

Å leite etter det vakre #2

2011-01-29T17:17:00.004+01:00

Ett er nødvendig - her

i denne vår vanskelige verden

av husville og heimløse:

Å ta bolig i seg selv

Gå inn i mørket

og pusse sotet av lampen.

Slik at mennesker på veiene

kan skimte lys

i dine bebodde øyne.

Hans Børli

Oh my

2011-01-21T10:12:00.003+01:00

Søtare enn dette vert det vel ikkje?

mochimochiland.com

Å leite etter det vakre #1

2011-01-21T10:03:00.004+01:00

Nicolette Brunklaus - Shady Tree Lamp.

Eg er ikkje ein person som seier "denne lampen MÅ eg berre ha". Men den er veldig fin. Så eg kan seie "det hadde vore fint å få ein slik lampe ein gong."

Detaljar

2011-01-17T21:27:00.015+01:00

Ny vegg. Nostalgi og familie i fin miks.

K for meg, kjøpt av søster i København.

Liten kjole 2

2011-01-16T16:13:00.010+01:00

Ei lita prinsesse skal få denne. "Liten kjole 1" vart for liten for ei veksande jente, så då laga eg ein til.

Heimelaga av rein skaparglede og med søte prikkeknappar.

Ein fin song

2011-01-05T13:52:00.003+01:00

Ein veldig fin sveis

2011-01-05T11:40:00.004+01:00

Eg kom over dette biletet på bloggen A butterfly in my hair. Etter nærare undersøking fann eg oppskrifta på bloggen Elenita.no. Det er mykje ein kan finne på nettet...

Den gode kvardag

2011-01-04T13:00:00.008+01:00

Eg merkar at eg er avhengig av snacks. No etter jula. Eg går rundt i huset og leitar etter noko å bite i heile tida. Det er desverre litt for mange restar etter julekaker her hjå meg, så no er eg på leit etter noko som kan erstatte dette. Og det MÅ vere godt! Sidan vi nettopp har passert nyttår er eg og oppteken av at det skal vere sunt. Sjølvsagt :)

Her er ei side som eg fann på jakt etter det gode og sunne. 30 tips.

http://www.wholeliving.com/photogallery/healthy-snack-recipes?lpgStart=1&currentslide=1&currentChapter=1.

Biletet er henta frå denne sida.

Ein ny haust

2010-11-01T13:09:00.007+01:00

Det er lenge sidan eg har oppdatert bloggen min, det ser eg no. Mykje har skjedd sidan sist og ein må gjere prioriteringar for å få mest ut av dagen. Eller, med det meiner eg, få mest kos ut av kvardagen.

For eg kan kose meg, og eg strikkar, heklar, går på fotokurs, øver meg på å vere lærar på vgs, tek mykje bilete, lagar god mat...

Og då vert det lita tid til resten; f. eks det å dele godsaker her inne. Men det skal eg sette i gang med no!

Fyrst - livet gjennom linsa.

Smaken av bryllaup

2010-03-27T11:22:00.007+01:00

Vi skal feire bryllaup i familien no i påska og derfor er eg litt i bryllaupshumør! Eg fann denne filmen på youtube når eg var på jakt etter ein anna bryllaupsfilm.
For ei glede:)

Vesle, russiske sparebøsse

2010-03-26T11:41:00.006+01:00

Desse søte damene kjøpte eg på Mitt lille hjem i Markveien. Ein fantastisk koselig butikk - god atmosfære, fin musikk og ein haug med kvinneduppeditter.

Ein fin plass for å hente inspirasjon og for å finne fine gåver - til andre og seg sjølv:)

Bestemødre

2010-03-26T11:24:00.009+01:00

Eg fekk eit fint bilete av mormor i julegåve i år. Mormor som ung. Bilete har fått ei passande rame og står så fint i vinduskarmen.

I det andre vindauget står ein liten prøvelapp på hardangersaum. Denne fann eg når vi syskjenborna på farsida gjekk igjennom tinga til farmor og farfar. Det er nok farmor som har putla med denne vesle lappen.

Så, eg har fått meg nokre fine minne om bestemødrene mine i begge vinduskarmane i stova. Vakkert.

Oppskrifta

2010-02-18T17:48:00.005+01:00

Fleire har spurt etter oppskrifta til den "akk, så god"-müslien som eg har skrive om tidlegare.

I grunnen kan ein gjere oppskrifta enkel og seie "man taver hva man haver", men her er nokre mål å gå etter:

150 gr store havregryn (ikkje lettkokte)

25 gr skiva mandlar

25 gr hakka valnøtter

25 gr hakka pekannøtter

25 gr hakka hasselnøtter

25 gr gresskarfrøkjerner

25 gr solsikkefrøkjerner

200 gr honning (av typen flytande, blank, f. eks akasiehonning)

2 ss solsikkeolje

Bland alle tørre ingrediensar i ein bolle. Varm forsiktig opp olje og honning i ei panne. Dette skal ikkje koke, men verte tyntflytande. Bland det tørre og den varme honningen med ein slikkepott. Pass på at alt vert dekt av honning!

Sprei blandinga på ei steikeplate med bakepapir. Steik på 175 grader i 15-20 min. Rør litt rundt på müslien eit par gongar under steiking slik at alt får ein jamn og djup gyllen farge (NB: ikkje mørkebrun).

Müslien vert fin og sprø når den har kjølna!

Oppbevar lufttett.

Ein dobb her og ein dobb der..

2010-02-03T21:12:00.006+01:00

Eg har starta produksjon av øyredobbar og kan no legge det til sortimentet til "Skaparglede"!

Her om dagen besøkte eg "Perlehuset" (også "Knappehuset") og leita i gjennom mengder av materiale for å finne det perfekte. Det tok sjølvsagt tid, for her er det mykje å velje mellom.

Her er eit lite utval av produksjonen. Vil du ha eit par?

Kvite blomar.

Fest-dobben.

Svart og mystisk..

Eg måtte prøve meg på fingerpynt og.

Vareutvalet.

Müsli

2010-02-02T23:56:00.006+01:00

I førre nummer av Kamille fann eg ei oppskrift på müsli som eg berre måtte prøve. Eg strekk meg heile vegen for å leve eit sunt liv, og å ete mat laga heilt frå "skrætsj" er ein del av det:) Det var veldig enkelt å lage og smakar heilt fantastisk! Eg anbefalar heimelaga müsli!

Snødekte Jæren

2010-02-02T23:31:00.006+01:00

For niande gong på over 50 år (ifølge svigermor) var det kvit jul i Sandnes. Ikkje berre jul, det er framleis veldig kvit vinter. Og dette fekk eg oppleve! Eg sørga då sjølvsagt for å få dokumentert det.

Lys i vintermørket

2010-01-16T14:00:00.005+01:00

Jula er over, men lys er framleis viktig å pynte med:) Eg har ein gamal smijarnslampe i stova. Lampeskjermen tok så mykje av lyset, så den måtte vike for litt kreativ kunst av perler.

Pølseverkstad

2010-01-15T11:09:00.004+01:00

Før jul hadde eg pølseverkstad saman med gode vener.

Dette er noko som eg og mannen min har tenkt på lenge og vi fekk med oss to andre, gode venepar. Resultatet vart fornøyeleg og nydeleg! Vi starta tidleg ein laurdag og avslutta det heile med eit festmåltid! Pølser på menyen: Vigramør, Toscanapølser, Chorizo og Haustpølse.

Det kan kanskje høyrest småekkelt ut med pølse, men berre tenk kor fantastisk det er når ein kan bestemme innhaldet i pølsa sjølv! Då veit ein kva ein et!

Ein viktig del av verkstaden: to flotte Kenwood kjøkenmaskiner!

Kveilar i lange baner..

Tilbehøret er viktig! Sylteagurkar og sennep.

Kaldt og mørkt og lite sol

2009-11-29T17:56:00.006+01:00

Kaldt og mørkt og lite sol

såleis er det fram mot jol.

Snø og is all jordi gøymer.

Allting ligg i lengt og drøymer.

Barnet spør kor langt det lid

enno fram mot joletid.

Mor så mangt har med å fara,

likevel ho støtt lyt svara.

Når så klokketonar skjelv

under høge himmelkvelv,

melder malmsterk tonebåre

største høgtidskveld i året.

Verda fekk ein liten gjest

difor held me barnefest.

Små og store høgt må kveda

saman om den store gleda.

Fattig barn til verda kom,

barnet vende verda om.

Under stort, ja utan like

det er Jesus og hans rike.

Han som kom, seg sjølv oss gav,

fekk ei krubbe og ei grav.

No vil me med gledeståre

gje han rom i hjarto våre.

Tekst: L.F. Hov 1912

Tone: Anders Hove 1913

Ha ei fin adventstid!

Tida som går så altfor fort...

2009-06-10T10:16:00.003+02:00

...men det er ikkje så gale heller. Plutseleg, ja, for det følest veldig plutseleg, innser ein at sommaren er her igjen. Det er berre alt ein gjerne skulle ha fått tid til som gjer at denne kjensla er litt urovekkande og. Og i min jobb, der alt eg har jobba med heile året går av stabelen i løpet av den neste månaden... Puh!
Men, så var det alt det flotte også; Reiseradioen er tilbake 22.juni(!), folk i gatene ser stortsett litt lykkelegare ut, kveldane er lyse... og så er det klart for Kreta-tur på laurdag. Ein liten pust i bakken før jobben krever meg fullt og heilt.

Eg må ikkje gløyme å nyte desse ferske sommardagane og kveldane. Det bør vere glede nok i å stå opp, rusle meg langsomt til trikken (og innom Kaffebrenneriet) i sandalar, høyre på Reiseradioen, sitte ute i bakgården på kvelden...

Og til alle de andre som føler dei har mykje dei skulle få gjort: ha ein GOD forsommar!

Liten kjole

2009-04-12T19:10:00.003+02:00

Eg vart berre meir inspirert til å strikke babytøy når eg var ferdige med det førre prosjektet. Det er framleis ei lita jente som inspirerar meg, for det går i kjole og rosa..
Dette er altså årets påskeprosjekt.

God påske!

2009-04-12T14:56:00.008+02:00

Her er eit lite knippe bilete frå denne påska.

Ein raud stol

2009-04-04T18:19:00.005+02:00

Sidan eg så tydeleg proklamerar at eg likar raude stolar, har eg skaffa meg ein! Den raude stolen (med sine turkise syskjen) vart kjøpt på søndagsmarkedet i Birkelunden for eit par veker sidan. Etter ein lang vinter trengte eg noko som kunne friske opp stova, og det gjer desse verkeleg!

Ord over grind

2009-04-02T13:29:00.008+02:00

Du går fram til mi inste grind,

og eg går òg fram til di.

Innanfor den er kvar av oss einsam,

og det skal vi alltid bli.

Aldri trenge seg lenger fram,

var lova som gjalt oss to.

Anten vi møttest tidt eller sjeldan

var møtet tillit og ro.

Står du der ikkje ein dag eg kjem

fell det meg lett å snu

når eg har stått litt og sett mot huset

og tenkt på at der bur du.

Så lenge eg veit du vil koma i blant

som no over knastande grus

og smile glad når du ser meg stå her,

skal eg ha ein heim i mitt hus.

Barnekle til ei vakker jente

2009-03-31T22:01:00.005+02:00

Eg fekk lyst å lage noko meir enn berre teppe når ei venninde fekk ei lita jente i februar. No i helga var eg på fyrste besøk og fekk overrekt gåva. Det passa!

Orkidéen min!

2009-03-31T21:44:00.004+02:00

For alle dykk som gir opp orkidéane dykkar: det er håp!
Eg kjøpte min fyrste orkidé for omlag 2 år sidan. Det gjekk ikkje lang tid før den vesle kvisten var heilt død. Ikkje berre at blomane datt av, men eg måtte klippe av heile kvisten. Men blada var der, så er heldt fram med å vatne den.
Og så, etter jul dukka det opp ein spire! Eg følte meg som ei mor! Spiren vaks og etterkvart kom det knoppar, og no; blomar!

Det vakre ved Mali

2009-02-18T21:44:00.013+01:00

Eg har nettopp vore i Mali. Eg var der ikkje meir enn ei veke, men det var nok til å sitte igjen med ein mengde inntrykk. Nokre bilete tok eg også! Mali er varmt, det er tørt, der er mykje støv, uferdige hus overalt, søppel overalt, men likevel så vakkert og så eksotisk og annleis enn gamle Noreg.

Som ein programleiar i Travel Chanel sa om Noreg (etter å ha sett resten av verda, omtrent): "Your cities and country are well organized, but where is the spice?" Litt sånn følest det etter ei slik reise. Norge er veldig bra og skikkelig og eg trur ikkje eg vil bu nokon annan stad, men det finst meir krydder der ute...

Eg elskar sykkelmotiv...

Utsnitt frå ein fulanerlandsby, Doma, som vi besøkte.

Alltid velkledde kvinner!

Syden-blomar strødd rundt omkring...

Eg er med også...!

2009-01-30T18:12:00.007+01:00

Eg er med og konkurrerar om eit gåvekort frå herlige Snella & Petronella på Duften av erteblomster sin blogg.

Dei har ei herlig samling av knappar! Fann nettopp ut at butikken deira i Oslo er i nabolokalet til mi første bustadsadresse i Tigerstaden! Trur eg skal snike meg tilbake til gamle trakter;)

Mitt eige merke!

2009-01-28T21:14:00.005+01:00

No har eg endelig fått bestilt meg mitt eige merke! Brukte lang tid på å forme med, få dei rette orda og fargane, og eg vart veldig fornøgd med resultatet. Det følest bra å sy det på eit handlaga produkt! Hakket meir proft på ein måte...

Hekta på hekling!

2009-01-27T22:49:00.008+01:00

Sidan eg hekla mitt første sekskantteppe har eg ikkje klart å slutte. Det er sånn med meg; viss eg først får sansen for noko klarer eg ikkje slutte. Og denne oppskrifta har eg kost meg med mange kveldar!

Det starta med ei julegåve, eit teppe i rosa og brunt (sjå tidlegare innlegg). Men så kom eg på at søstera til ho som skulle få det rosa hadde ønska seg eit i blått, så då vart det eit blått og brunt også. Bilete av det ferdige produktet har eg dessverre ikkje, men eg har bilete frå prosessen:

Eg har utrulig mykje teppegarn liggande etter mange turar til rogalandet. No i vinter har eg fleire venner som ventar små, så eg er derfor i gang med å bruke opp dette garnet på babyteppe. Dei er i litt "utradisjonelle" babyfargar; koksgrå og mørkebrun. Men syttitallet er retro, er det ikkje?

Dette er ferdig:

Dette har eg nettopp begynt på:

Nytt soverom!

2008-11-16T16:46:00.007+01:00

Etter ein månad med alt på hovudet her i huset er soverommet endelig klart til syning! Vi hadde ikkje planlagt oppussinga så veldig, berre at vi visste at vi ville det og korleis vi ville ha det! Oppussing ved sida av det daglege livet er tidkrevjande, så vi er fantastik takknemlige for at vi kom i mål. Og så med det resultatet!! Eg har desverre ikkje noko bilete frå før vi starta (for han starta utan meg, som ei overrasking), men eg kan fortelje litt: ein stk hems som slukte halve rommet, ein stk eplegrøn vegg og 3 stk veggar med altfor kremgul farge og stygg strietapet. Resultatet etter oppussing: lekkert!

Vi fekk god hjelp av svoger.

Stova var ganske sprengfull i ein månad.

Siste hand på verket!

Vakre detaljar.

Tada!!

Min favorittkeramikar!

2008-11-04T19:19:00.004+01:00

På førre blogg (tv-kvelden for eit par veker sidan...) drakk eg te frå ein vakker og ganske stilig kopp. Eg må berre legge ved nokre bilete til av den vesle samlinga mi med Margit-keramikk. Margit Seland er keramikar og tekstildesigner og bur i Amsterdam. Ho syng også i SKRUK (som meg) og har alltid med seg nye ting til sals på samlingane.

Dette er det eg har tatt med råd til til no;)

Tysdag kveld (tv-kveld)

2008-10-22T00:30:00.007+02:00

Det er tysdag og tv-kveld. Eg må vere heime for å vente på ei leveranse frå Kolonihagen og kan då likegodt kose meg med det som måtte vere av interesse på tv.

Men eg kan ikkje kaste vekk kvelden min på det. Ein tv-kveld må nyttast til noko meir:

Ein god kopp te og bolle...

...og eit nytt prosjekt!

Etterkvart kom leveringa frå Kolonihagen; økologiske varer levert på døra. Det er som julekvelden annakvar tysdag!

Julegåve (nesten) i boks!

2008-10-22T00:14:00.006+02:00

Då er eg i gang med årets julegåver. I år, som tidlegare, vil eg prøve å lage dei fleste av gåvene. (Det endar som oftast med at eg må kjøpe flesteparten likevel. Iveren i byrjinga er ofte større enn det eg har av tid. Men eg kan i alle fall håpe!) Heimelaga julegåver er best:)

Christmas is closing in on us.. I have just finished my first present!

Her er nokre bilete av fyrste produkt:

Vel, nesten ferdig.. Har framleis ein del trådar å feste!

Eit godt og varmt teppe til kalde vinterkveldar. Her til syning på mitt vakre tregolv!

Fyrste dag

2008-10-12T22:51:00.008+02:00

Denne bloggen kjem som eit resultat av at eg gjerne vil dele litt vakre ting med dykk der ute, og at eg i lengre tid har vorte inspirert av mi søster og andre bloggarar som deler observasjonar og vakre kreasjonar.

Takk til alle for det!

Så, grunnen til at eg endelig kom i gang akkurat i dag, er at eg har hatt ei vakker helg. Og med kamera på slep kan eg dokumentere dette. Oslo viste seg frå sitt absolutt aller beste og med mine nieser Hanna og Oda på besøk vart dette ei ganske så hyggelig helg!

My first blog! Want to show you some pictures from a beautiful weekend.

Vakre Grünerløkka i nydelig haustver.

Niese Hanna fann mange fine blad.

Storesøster Oda var villig til å posere for kamera.

Vi tok oss ein liten tur til Botanisk hage i går...

...og i dag var det endene langs Akerselva som trengte mat.

Vi avslutta søndagsmiddagen med eplekake. Eplene kjem rett frå svigermors hage. Beste sort!